Larunbatean hasiko da ABF eskubaloi liga

Larunbatean hasiko da emakumezkoen ABF eskubaloi liga. Itxako Navarra eta Akaba Bera Bera izango dira betiko moduan euskal ordezkariak. Maila nagusian bi talde berri arituko dira, Castro Urdiales eta Elx.

Itxakok Alacanten jokatuko du, Mar Alicante taldearen aurka, aurkari zaila izan daitekeena. Historikoki nafarrei, batipat Alacanten, lan asko eman dien taldea izan da. Bitxikeri moduan aipatu Lizarrako jokalari bat duela Mar taldeak, Silvia Ederra.

Akaba Bera Berak Santanderren ekingo dio ligari, larunbatean 8tan, Marina Park taldearen aurka. Denboraldi interesgarria du talde donostiarrak, Errekopa, Liga, eta iaz irabazi zuten Kopa jokatuko dituzte.