Kontxako Bandera aurkeztu egin dute

Kontxako Bandera aurkeztu egin dute ostegunean eta giro baketsua egon da aspaldiko partez. Ekaitza, etortzekotan, itsasotik etorriko da aurten.

Hurrengo ostegunean izango da sailkatze estropada. 21 traineru lehiatuko dira, baina 22 izan daitezke Hibaikak Fortuna gisa izena ematen badu.

Bi multzotan banatu dituzte ontziak: lehenegoan TKE Ligako lehen hamar sailkatuak arituko dira, eta bigarrenean beste guztiak. Ordezkarien bileraren ondoren egingo duten zozketak erabakiko du irteera-ordena.

Zazpi onenak sailkatuko dira irailaren 2ko eta 9ko estropadetarako, eta Euskal Telebista, jakina, Donostian izango da hiru egun seinalatu horietan.