Urriaren 7an jarriko da abian denboraldia

Errugbiko Ohorezko Maila urriaren 7an jarriko da abian. Era horretan, iaz denboraldi erdian izan ziren etenaldiak ekidin nahi dira. Euskal taldeak indartzen ari dira denboraldiari aurre egiteko.

Lehen jardunaldian euskal ordezkariek izango dituzten partidak honakoak izango dira: Bera Bera – Ciencias, Getxo – Alcobendas eta Madril Noroeste – Ordizia.

Azken jardunaldia apirilaren 6an jokatuko da. Ohorezko B mailan, beste hiru euskaldun arituko dira, Durango, Hernani eta Gernika.

Rugbia aipatuz, gogoratu beharra dago munduko txapelketa jokatuko dela Frantzian. Irailaren 7an hasiko da, Frantzia – Argentina partidarekin. Finala urriaren 20an jokatuko da.