2007/05/03
EAJko EBBko eledun Iņigo Urkulluk esan du ezker abertzalearen eta PSOEren artean akordio bat dagoenaren susmoa duela, alde biak ahalik eta gutxien ahultzeko. Gainera, espero du PSOEk hauteskunde-prozesua ez gidatzea "esku batean kalkulagailua eta bestean D'Hont Legearen aplikazioa" edukita.
Maiatzeko udal eta foru hauteskundeetara begira EAJren programa aurkezteko eman duen prentsaurrekoan adierazi duenez, bizi dugun garaian "zaila da proiektuez, ideiez eta egitasmoez hitz egitea", ezker abertzalearen zerrendak legez kanpo uzten diren edo ez denon ahotan egonik, gizartearen arazoei buruzko benetako eztabaida baztertzen delako.
Hilabete bat baino gutxiago falta da hauteskundeetarako eta, beste behin ere, proiektuen, ideien eta egitasmoen aurkezpena baldintzatzen ari da. Badirudi, mediatikoki eztabaida baztertu nahi dela eta herritarrei eguneroko bizitzan benetan eragiten dizkieten gaiei buruzko planteamenduen ezagutza baldintzatu nahi zaiela.
Azken urteotan Europako historian emandako legerik arbitrarioenak
"Historia beste leku batetik joatea nahi dute zenbait alderdik, baita udal eta foru hauteskunde hauetan ere. Hau guztia euskal gizartea Mendebaldeko Europako azken urteotako historian onartutako legerik arbitrarioenen ondorioak jasaten ari delako", azaldu du.
Horrela hitz egin du Urkulluk Alderdien Legeari buruz, "bilatzen omen dituen helburuak lortzeko erabat alferrikakoa den Legea, Lege-tranpa PSOErentzat, Legeak eta iraganean PPrekin partekatutako estrategiak harrapatuta".
Euskadi Irratiko azken albistegia
webgunearen portadan, erabiltzaileek emandako botoei esker:
Aupatu
Zabaldu
