Gorenak ateak itxita aztertuko du De Juanari ezarritako kartzela-zigorra

argazkia handitu

Auzitegi Gorena

Erlazionatutako albisteak

• De Juanaren zigorra "neurriz kanpokoa" dela salatu du Legebiltzarrak
• Legebiltzarrak De Juana askatzea eskatu ez izana kritikatu du Etxeratek

Auzitegi Gorenak Iñaki de Juanaren abokatuek aurkeztutako helegitea atzera bota dute eta, ondorioz, ETAko presoari bi iritzi-artikulu idazteagatik ezarri dioten 12 urte eta zazpi hilabeteko kartzela-zigorra ateak itxita aztertuko dute datorren astelehenean.

Auzitegi Gorenaren Zigor-arloko Salaren arabera, bista publikoa izateko alde guztiek egin behar dute eskaera, tartean Ministerio Fiskalak. Erakunde honek, ordea, jendaurreko bistarik egitea beharrezkoa ez dela uste du.

Gauzak horrela, Gorenaren Zigor-arloko Sala osatzen duten 13 epaileak ateak itxita egingo dute Auzitegi Nazionalak De Juanari ezarritako zigorraren gaineko hausnarketa. ETAko presoak 95 egun bete ditu gose-greban.