Jon Odriozola izango da kirol-zuzendari berria

argazkia handitu

Jon Odriozola

Multimedia

• Jon Odriozola, Euskaltel-Euskadi taldeko zuzendaria

Erlazionatutako albisteak

• Haimar Zubeldiak ez du taldea utziko

Jon Odriozola izango da Euskaltel Euskadi Txirrindularitza taldeko kirol-zuzendari berria. Horrela jakinarazi du euskal taldeak Gipuzkoan egindako ekitaldi batean. Horretan, gainera, Lander Aperribai txirrindulari gaztea aurkeztu dute fitxaketa berria bezala.

Aurkezpena Gipuzkoako Foru Aldundiko areto nagusian egin dute, eta Joxe Juan Gonzalez de Txabarri Gipuzkoako ahaldun nagusia, Miguel Madariaga Euskaltel Euskadiko managerra eta Igor Gonzalez de Galdeano egon dira ekitaldian.

Hortaz, Madariagak eta Gonzalez de Galdeanok Julian Gorosperen hutsunea bete dute. Izan ere, Euskaltel Euskadik taldea eraberritzeko prozesuan dago hurrengo denboraldiari begira, Gorka Gonzalezek, Iker Floresek, Joseba Albizuk eta David Herrerok taldea utzi ostean.

Oñatiko teknikaria, beraz, Euskaltel Euskadiko zuzendari berria da, eta Astarloza (Ag2R), Aitor Galdos (Panaria), Txurruka (Barlowolrd) eta Azanza (Kaiku) fitxaketekin; eta Lander Aperribai gazte mailako ziklistarekin (Bidelan) bat egin du datorren denboraldirako.