Mallorcak Aritz Aduriz fitxatu du 6 milioi euroren truke

argazkia handitu

Aritz Aduriz. Argazkia: EFE

Multimedia

• Aritz Aduriz taldez aldatzearen zergatiak azaldu ditu Fernando Garcia Macuak

Erlazionatutako albisteak

• Iñigo Velez de Mendizabalek Numantzian jokatuko du utzita
• Athleticek galdu egin du penaltien txandan
• Iturraspe eta Ekiza deitu ditu Caparrosek Cuenca eta Valladoliderako

Athletic eta Mallorca taldeak Aritz Aduriz fitxatzeko akordio batera iritsi ziren eta gipuzkoarrak Balearetako taldean jokatuko du datorren denboraldian. Aurrelariak ez zuen Athleticen denboraldiaurreko azken partida (Valladoliden aurka) jokatu.

Athleticek 6 milioi euro jasoko ditu operazio honegatik, hori izango baita Mallorca taldeak Aduriz eramatearren ordainduko duen diru kopurua.

Aritz Aduriz Mallorcak fitxatzeak beste ondorio batzuk ere ekar ditzake, izan ere, Iñigo Velez de Mendizabal Numantziara joatekoa zen utzita, baina azkenean Athleticen geratu daiteke. Bestela Caparrosen taldea aurrelari gutxirekin geratuko litzateke.

Porrot mingarria Valladoliden aurka (5-2)

Athleticek denboraldiaurreko azken partida jokatu zuen eta bere zaletuak oso kezkatuta utzi zituen Liga hasteko aste bete bakarrik falta denean.

Bilbotarrak Vallladoliden aurka jokatu zuten Valladolid Hiria sariari zegokion partidan. Etxekoek azkar bideratu zuten partida, 20. minuturako 3-0 zihoazen aurretik Kikeren eta Vivar Doradoren (bi gol) golei esker.

Bigarren zatian Athleticek aldeak murriztu zituen Llorentek eta Yestek sartutako golei esker eta 3-2 jarri ziren. Hala eta guztiz, Valladolidek ez zuen barkatu eta gaua borobildu zuen hat-tricka lortu zuen Vivar Doradoren eta Barjaren golekin. Azken emaitza Valladoliden aldeko 5-2koa izan zen.

Fitxa teknikoa:

5- Real Valladolid: Villar; Pedro Lopez, Baraja, García Calvo, Marcos; Aguirre, Vivar Dorado; Borja, Jonathan Sesma, Victor; Kike. Jokatu zuten beste jokalariak: Sergio Asenjo (ps), Oscar Sanchez, Luis Prieto, Jesús Rueda, Ogbeche eta Alvaro Rubio.

2- Athletic Club: Lafuente; Murillo, Aitor Ocio, Amorebieta, Casas; David Lopez, Gurpegui, Javier Martínez, Yeste; Llorente eta Garmendia. Orbaiz, Susaeta, Etxeberria, Gabilondo eta Ion Velez jokalariek ere jokatu zuten.

Golak: 1-0 (min.16), Kike. 2-0 (min.18), Vivar Dorado. 3-0 (min.20), Vivar Dorado. 3-1 (min.59), Llorente. 3-2 (min.65), Yeste. 4-2 (min.80), Vivar Dorado. 5-2 (min.89), Baraja, penaltiz.