Agirrek Grande-Marlaska salatu du sumarioaren berri prentsari emateagatik

argazkia handitu

Gorka Agirre

Erlazionatutako albisteak

• Gorka Agirrek salaketa aurkeztuko du sumario-sekretua "hautsi" delako
• Gorka Agirrek eta Xabier Arzalluzek salaketa jarri dute Madrilen
• Marlaskak 30.000 euroko fidantza ezarri dio Agirreri

Gorka Agirre EAJko buruzagiak salaketa aurkeztu du Botere Judizialaren Kontseilu Nagusian (CGPJ) Fernando Grande-Marlaska Auzitegi Nazionaleko epailearen aurka. ETAren ustezko estortsio-sareari buruzko sumarioren zati batzuk prentsan agertu zirela eta hartu du erabaki hori, kasu horretan auzipetutako politikari jeltzaleak.

Agirren abokatuek atzo, astelehena, aurkeztu zuten salaketa, sumarioari buruzko eginbideak prentsari jakinaraztea oso falta larria dela iritzita, Gorkaren Alde elkarteak agiri baten bidez adierazi duenez.

Sumarioa sekretupean jarri zutenetik, ekainaren 21eti, auzi hau dela eta Gorka Agirreri buruz hedabideek argitaratutako informazioak jasotzen ditu salaketak,

Auzipetuak zitazioa jaso aurretik ere, interbenitutako telefono-deien transkripzioak, jarraipenen argazkiak eta zitazioa bera argitaratu zirela nabarmendu dute buruzagi jeltzalearen abokatuek.